Thursday, September 30, 2010

လွမ်းတုန်းအိပ်မက်

တစ်ယောက်တစ်နေရာစီ ဝေးသွားကြရုံနဲ့ပဲ
ကျမတို့တွေ
တစ်ယောက်ကို တစ်ယောက် မေ့သွားကြတယ်

သတိရစရာ အမှတ်တရတစ်ခုခု ခလုတ်တိုက်မိရင်
အလန့်တကြား
ထ လွမ်းပစ်လိုက်တယ်

သတိရတယ် သတိရတယ်
ဟိုးတုန်းကလေ
ငါတို့တွေပေါ့…

ဒီလို ဒီလိုစကားတွေနဲ့
ပြန်မရောက်တော့မယ့် အတိတ်ကိုလွမ်း
ဟော့ဒီကမ္ဘာတစ်ခြမ်းမှာပဲ
ငါတို့ အလွမ်းသယ်ပစ်လိုက်တယ်

လမ်းဘေးအသုတ်ဆိုင်လေး
လက်ဖက်ရည်ချိုပေါ့ကျ
ဆေးလိပ်မတိုပေမဲ့ နေညိုတာတောင် လမ်းမခွဲဖြစ်ခဲ့ကြတဲ့
တို့တွေရဲ့ချစ်ခြင်း
အခုတော့ နှစ်သစ်တွေ တစ်နှစ်ပီးတစ်နှစ် ကူးကောင်းနေတုန်း

မတွေ့ရတာ အတော်ကြာနေပီထင်ပ
ဟိုးပဝေဏသီကလိုလို
တခါတလေများ သတိရစရာတွေတောင်
စမြုံ့ပြန်ချင်စရာမကောင်းလှတော့ဘူး

ရင်ဖွင့်စရာ သူငယ်ချင်းဖော်ဆိုတာဝေး
အခုများတော့ တစ်ယောက် တစ်နယ်စီ ဝေး
သွေးအေးသွားတဲ့ ချိတ်တွေလိုပ
အနေဝေးသွားတာကြာလှရောပေါ့

အလွမ်းဆိုတာ အဓိပတိကားလက်မှတ်ကြားမှာလား
လက်ဖက်ရည်ခွက်ထဲမှာလား
ရှာကောင်းတုန်း လွမ်းကောင်းတုန်း
ရုတ်တရက် သတိတရမှာ
မျက်စိရှေ့မှာ ကွန်ပျူတာစခရင်မ်သာ အဖော်အဖြစ်ရှိခဲ့…

ပြည့်စုံ
(၃၀-၀၉-၂၀၁၀၊ ၁၁း၀၀ pm)

ကျမ သူငယ်ချင်းငါးယောက်အတွက်ပါ.. နိစ္စဓူဝ လူမှုဘဝမှာ ကျမမေ့သွားတဲ့အထဲ ကျမသူငယ်ချင်းလေးတွေ ပါသွားတယ်.. ကျမ သတိရတဲ့အခါ ကျမဘေးမှာ သူတို့မရှိတော့ဘူး.. မေ့နေတုန်းကလဲ သူတို့မရှိဘူး.. သတိရတော့လဲ သူတို့မရှိပါဘူး.. အိပ်မက်ထဲမှာမှပဲ သူတို့တွေကို ပြန်တွေ့ရတယ်.. :(

Thursday, September 9, 2010

အလွဲ

အဲ့ဒီတစ်ဖက်ကို ငါတိမ်းလိုက်လို့
ကမ္ဘာကြီးက ပိုယိမ်းသွားတာမဟုတ်ဘူး မဟုတ်လား

အခြားတစ်ဖက်ကို ငါရွေးလိုက်လို့
ကမ္ဘာကြီးက ပိုဝေးသွားတာ မဟုတ်ဘူး မဟုတ်လား

ဟော့ဒီဖက်မှာ ငါနေနေလို့
ကမ္ဘာကြီးက ပိုပြီး နွေးလာတာ မဖြစ်နိုင်ဘူးလား

အဲ့ဒီတစ်ဖက်မှာ မင်းရှိနေရုံနဲ့
ငါ့ကမ္ဘာကြီးက ပိုနွေးလာတာ မင်းသိတယ်မဟုတ်လား

မင်းနဲ့ငါ အတူမရှိနေရုံနဲ့
ငါတို့ကမ္ဘာကြီးက ပိုပီး တိမ်းစောင်းလာတယ် မင်းထင်သလား

ဟော့ဒီကမ္ဘာကြီးလေ
၂၃ ၂ ပိုင်း ၁ ပိုင်းဒီဂရီမှာ
ငါရီတာနဲ့ပဲ ပိုမတိမ်းသွားလောက်ပါဘူး
ငါငိုရင်ရော ပိုယိမ်းသွာဦးမှာလား
အဲ့ဒီအတွေးတွေနဲ့ပဲ ငါလေ
မတိမ်းပါဘူး အတွေးနဲ့
ယိမ်းနေတဲ့ ကမ္ဘာကြီးမှာ
ခြေထောက်တွေ ခိုင်ခိုင်ရပ်နေမိတယ်

ပြည့်စုံ
(၉-၉-၂၀၁၀၊ ၁၁း၄၉ pm)