ရင်ကွဲမြစ်

အိပ်မက်တွေက ရာဇဝင်ရိုင်း
တိမ်မည်းတွေ မှိုင်းနေတဲ့
မှောင်မိုက်တဲ့ ကောင်းကင်မှာ
အခု လျှပ်စီးတွေ ထစ်ချုန်းလက်နေတယ်

ရေရွတ်လိုက်စမ်း
ရင်ထဲက စကားလုံးအမှန်တွေ
သဘာဝကို မလွန်ဆန်ရဲရင်
မိုးခြိမ်းသံတွေက ကာကွယ်ပေးလိမ့်မယ်

ဖုံးကွယ်စရာ ဘာရှိလဲ
အပြုံးနဲ့ခြယ်သနေလဲ
အဆုံးမှာ ငါ့အတွက်ဆို
အမုန်းတွေပဲ ရမှာပဲ

ငါဆိုတာကလဲ
မညာတမ်းပြောရရင်
ခပ်ကြောင်ကြောင်စရိုက်နဲ့
ချေချွတ်ဖို့မလွယ်တဲ့
မိစ္ဆာဒိဌိတစ်ကောင်ပဲ

ကဲမိတ်ဆွေ
ဘဝဆိုတာ
တကယ်တမ်းတွေးရင်
အပျော်တမ်း ကလေးကစားသလို
အလျော်အစားမရှိဘူးလို့တော့ မထင်နဲ့
ကြေးကြီးတယ် ဈေးကြီးတယ်
နိုင်ရင် ရွှေထီးဆောင်း
ရှုံးရင် မြေကြီးထဲ ဂျောင်းရမယ်

ရွေးစရာသိပ်နည်းတဲ့လမ်းမှာ
ဖောက်ပီးသား လမ်းအဟောင်းကိုပဲ
မင်းရွေးလျှောက်သွားခဲ့
အပြစ်မတင်ဘူး
မြစ်ထင်လို့ မင်းကူးခဲ့တဲ့
ငါ့ရဲ့ ရင်ကွဲမျက်ရည်တွေထဲ
အပြုံးတုတစ်ခုနဲ့သာ ကူးခတ်သွားခဲ့………..

ပြည့်စုံ (၈-၁၀-၂၀၀၉၊ ၁၁း၄၈ pm)