Tuesday, September 12, 2017

ပန်းရိုင်းကလေးရဲ့အိပ်မက်


ရှက်လွန်းလို့ ယမကာခွက်ထဲ ထိုးစိုက်ဆင်းသွားတဲ့ ရေခဲတုံးလေးခမျာ.. ပြန်ကိုပေါ်မလာရှာတော့ဘူး.. ရေခဲစက်လေးတွေ သီးထနေတဲ့ ဖန်ခွက်ငယ်လေးကတော့ သူ့အရှေ့က မိန်းမငယ်လေးရဲ့ မျက်နှာချေအနီရောင်ဆိုးဆေးတွေ အောက်က မို့မို့ဖောင်းဖောင်း ပါးအို့နီနီလေးကိုသာ စိတ်မှန်းနဲ့ ငေးမောကြည့်နေမိတယ်…

ချိုချိုလွင်လွင် အလိုက်သင့်ရီမောရင်း ခါးနောက်ကို ရောက်ရောက်လာတတ်တဲ့ လက်ကြမ်းကြမ်းကြီးတွေကို ခါးလေးတွန့်ပီးသာ ရုန်းကန်နေရ.. တရံတခါကျတော့လဲ အတင်းတိုက်တွန်းနေတဲ့ မဟာပုရိသ၀ါဒီတွေကြားထဲ ပန်းပွင့်လေးတွေ ယိမ်းတိုက်သလို ယိမ်းနွဲ့လှုပ်ရှား တေးသံသာတွေ သီကျူးပြရ… ဒီလိုနဲ့ပဲ မိန်းခလေးငယ်လေးရဲ့ ဘဝမှာ ဆေးဆိုးပန်းရိုက်အနာဂတ်တွေသာ ကြီးစိုးလာနေတော့တာ ထင်ပါရဲ့..

ခွေးအအူသံတွေနဲ့ တောကြောင်တွေ လက်ခမောင်းခတ်နေတဲ့ ခေတ်ဆိုးခေတ်ပျက်ကြီးမှာမှ နှင်းဆီရိုင်းလေးတွေ ဖူးပွင့်ခွင့်ရနေတာ ကံဆိုးလှချည့်ကွယ်.. မိုးလင်းက နေဝင် ကြယ်မမြင် လမမြင် ဒီလိုနေရာမျိုးမှာမှ ဆူးကင်းတဲ့… နွမ်းလျနေတဲ့ နှင်းဆီပွင့်ဖတ်လေးတွေကို ဈေးကြီးအရက်နဲ့ မျောချချင်သူတွေ အများသားဆိုတော့လဲ တဖက်တလမ်းက ၀မ်းသာမိရတယ်...

တိုတောင်းလှတဲ့ ဘဝ အချိန်ခဏလေးတဲ့ .. ဟုတ်ရဲ့လား… သူများပြောတိုင်း ယောင်ခေါင်းညိတ်မိတဲ့ ပုတ်သင်ညိုလေးတွေလို ဒီမိန်းခလေးရဲ့ ကောက်တလှည့် ဖြောင့်တလှည့် ဦးခေါင်းလေးမှာ စီးကရက်မီးခိုးငွေ့တွေ ညစဉ်ညတိုင်း ဝေနေတုန်း.. ကြွေနေတုန်းပါပဲလေ..

စတိတ်ခ်ျစင်ပေါ်က တေးဂီတသံတွေနဲ့ အလိုက်သင့်ကခုန်နေပေမဲ့ မိန်းခလေးရဲ့ စိတ်အတွေးက မြို့စွန် ရွာနားက သူမရဲ့အိမ်အိုလေးဆီ မကြာခဏ ရောက်နေခဲ့တယ်.. ဒီအချိန်ဆို အမေ အိပ်မောကျနေမလား…. အမေ၊ ညီမလေးနဲ့ သူမရဲ့ အိပ်မက်တွေ အတွက် လုံခြုံရာအိမ်ကလေးတဆောင်လောက် ရချင်ယုံပါပဲ ..

ထူးထွေဆန်းပြားမှုမရှိတဲ့ လိုအင်တွေအတွက် သူမကတော့ အိပ်မက်တွေကို ချခင်းပြီး ဘ၀နဲ့ရင်းကာ ကံကြမ္မာအလိုကျ ကခဲ့ရ ဆိုခဲ့ရ ငိုခဲ့ရပြီ..

“အမေ အမေ ကြားရလား.. ဖုန်းလိုင်းက သိပ်မကြည်ဘူး အမေ..”

ဖုန်းလိုင်းမကောင်းလို့ အသံတွေကို ပြတ်တောင်းတောင်း ကြားနေရပေမဲ့ နူးညံ့တဲ့ အမေ့အသံဟာ သူမကို တဒင်္ဂအတွက်တော့ အားအင်တွေ ရစေတယ်..

‘အမေ အဆင်ပြေရဲ့လား.. နေကောင်းရဲ့လား.. ညီမလေးတွေရော… ဒီမှာအဆင်ပြေတယ် အမေရဲ့.. မနက်ဖြန်လောက်ဆို သမီး အိမ်ကို ငွေလွှဲပေးလိုက်မယ်နော်..’

တယ်လီဖုန်းခွက်ကို စင်ပေါ် ပြန်တင်ပေးလိုက်ပြီး ဒေါက်ဖိနပ်သံနဲ့ တခွပ်ခွပ်နဲ့ ပြန်လှည့်ထွက်သွားတဲ့ ပန်းရိုင်းအနီရောင်လေးကို တယ်လီဖုန်းလေးက အလိုက်သင့်ငေးမောလျက်သား ကျန်နေရစ်ခဲ့တယ်…

ကံကြမ္မာ ဇာတ်ဆရာ အလိုကျ ပန်းရိုင်းကလေးတွေဘ၀ သရုပ်ပြခဲ့ရ…

ပြည့်စုံ (11း11 am, September 13, 2017)