နွေဦးအချစ်

ရေရှားတဲ့နေရာမှာ မိုးခေါင်ပြီး
ရေများတဲ့နေရာမှာ မိုးကြီးတဲ့ အရပ်မှာမှ
ကိုယ်က လူလာဖြစ်ခဲ့တယ်...

ချစ်ခြင်းဟာ အချိုမှုန့်လိုပဲ
အစားများရင် ရောဂါပေးတတ်ပေမဲ့
မပါပြန်တော့လည်း ဘဝဟာ ပေါ့ရွှတ်ရွှတ်
ရောဂါတက်ပေမဲ့ ရောဂါဖြစ်နေတဲ့အပိုင်းကိုပဲ
တစ်ဆစ်ချင်းစီ ဖြတ်တောက်
ဘဝကို ဟောဒီလို
ဟိုတစ်စ ဒီတစ်စနဲ့ ရှင်သန်အောင် ကြိုးစားခဲ့ရ....

အချစ်ရေ
နေမြင့်လို့ အရူးရင့်တာလား
နေမွန်းတည့်ချိန်မှာ ရူးလောက်အောင်ချစ်မိတာလား
ကိုယ့်မှာ မသဲကွဲဘူး....

ဘဝက တိုတိုလေးပဲ
လမ်းချင်းတူတုန်း လူချင်းဆုံအောင် ကြိုးစား
အသည်းနှလုံးကို ငါးစာအဖြစ်ထား
အချစ်တွေကို ဒီလိုနဲ့ပဲ မျှားကြည့်ရအောင်.....

ပြည့်စုံ
(10-04-2017, တနင်္လာနေ့)

ခရစ္စမတ်တမ်းချင်း

ငါမျှော်လင့်တဲ့အချိန်မှာ
နင်ရောက်လာမလား
ငါမမျှော်တဲ့အချိန်မှာ
နင်ပျောက်သွားမှာလား
မရေမရာစိတ်ကူးထဲ
ဒီနှစ် ခရစ္စမတ်
နင်နဲ့အတူပျော်ရွှင်ခွင့်
စန်တာကလော့ဆီ
တောင်းခွင့်ရချင်တယ်

ငါရဲ့ဆောင်းက
နှင်းမကျဘူး
အအေးဓာတ်မခံစားရဘူး
နင့်ရဲ့ဆောင်းမှာ
နှင်းကျနေသလား
ခိုက်ခိုက်တုန်အောင် ချမ်းနေမလား

ငါ့ရင်ထဲ
နင့်ကိုလွမ်းခြင်းတွေနဲ့
တမ်းချင်းကဗျာတွေ စပ်နေလဲ
နင့်ရင်ထဲ
အသစ်ဖြစ်မယ့်ချစ်ခြင်းတွေနဲ့
နွေးထွေး လှိုက်ခုန်နေလေမလား

ဒီနှစ်ဆောင်းက
အပူလှိုင်းမဖြတ်ဘဲနဲ့ကို
စံချိန်တင်အောင်ပူသတဲ့
ငါတို့ချစ်ခြင်းတွေလဲ
နားလည်ခြင်းတွေနဲ့ပဲ
ဒီနှစ်ကျမှ စံချိန်တင်အောင်ဝေးကွာနေရတယ်

အထီးကျန်မှုက
အေးစက်စက်ရှိလှပေမဲ့
ရာသီကတော့
နွေးထွေးမှုရှိနေသေးတယ်
ပရမ်းပတာ လှိုက်ခုန်နေတဲ့
နှလုံးသားစည်းချက်တွေထဲ
ငါ့အတွက်
သိပ်အသက်ရှုကျပ်လှတယ် ချစ်သူ

ဟိုးအရင်နှစ်တွေကလို
ချစ်တယ် ချစ်တယ်
ဆောင့်အောင့်အော်တတ်တဲ့
အချစ်နတ်သမီးတွေလဲ
အခုတော့ နှုတ်ဆိတ်
တိတ်တဆိတ် ငိုက်မြည်းနေကြတယ်

အရာရာဟာ ဘုရားအလိုကျပေါ့လို့
ထပ်တခါခါ မြည်တမ်းတတ်တဲ့
ငါ့နှုတ်ဖျားလဲ
အခုနေအခါမှာ
ရေရွတ်မြည်တမ်းခွင့်
ပါမစ်ပိတ်ပင်ခံရတယ်

ဒါဟာ တို့နှစ်ယောက်အလိုအတိုင်းပဲ
အရင်အတိုင်း ပြန်မရတော့တာကလွဲလို့
တို့ဆုံးဖြတ်ချက်အတိုင်းပဲ
မသွေတသိမ်း နာခံခဲ့ကြရတဲ့
နှလုံးသားတွေလဲ
အပြုံးတွေ ခါးခဲ့ရတယ်

ချစ်သူရေ
စန်တာကလော့ဆီက
လက်ဆောင်မရချင်ပါဘူး
မင်းပေးမယ့် အပြုံးတစ်ပွင့်နဲ့တင်
အသစ်ဖြစ်မယ့် ချစ်ခြင်းတွေအတွက်
ရင်ခုန်ကြည်နူး နှစ်သစ်ကူးပါ့မယ်

ပြည့်စုံ
(၂၄-၁၂-၂၀၀၉၊ ၉း၄၈ pm)

ချစ်ခြင်းရဲ့ အိုအေစစ်

မင်းအတွက်ပေါ့
ကို့အချစ်တွေက သေချာတယ်
ကို့မြတ်နိုးမှုတွေကလဲ ရေရာတယ်
သေချာတာတွေထဲမှာ တစ်သက်စာ ချစ်ခြင်းတွေပါမယ်
အကြင်နာတွေပါမယ်
သံယောဇဉ်တွေရောပေါ့

မသေချာတာတွေများနေတဲ့ ဒီလောကထဲမှာ
မရေရာတာတွေလဲ ရောပါနေတယ်
ဖြေသာစရာ ရှိသေးတာက
ကိုယ့်မှာ မင်းရှိသေးတယ်လေ

တကယ်တော့
အချစ်ရယ်
ငါ့အတွက် မင်းဆိုတာ
ရှင်းပြစရာတောင်မလိုတဲ့ အိုအေစစ်လေးပါ
အိပ်မက်လေးပါ
စိတ်ကူးယဉ်အတွေးလေးပါ
နောက်ဆုံးထွက်သက်ကလေးပါပဲ ချစ်သူ…..

ပြည့်စုံ (၂၉-၈-၂၀၀၉၊ ၄း၁၄ pm)

မိုးနဲ့အတူ

မိုးနေ့လေး တစ်နေ့နဲ့အတူ
ကိုယ့်အနား မင်းအရောက်လာခဲ့တယ်
ကောင်းကင်မှာ လျှပ်နွယ်လျှပ်ပန်းတွေ
တလက်လက်နဲ့ပေါ့
ရင်ထဲက ကြောက်စိတ်အတွက်
သူပြောဖူးတဲ့ စကား
ဓာတ်ပုံရိုက်နေတယ် ပြုံးထားတဲ့လေ

မိုးနေ့လေး တစ်နေ့နဲ့အတူ
ကိုယ့်အနားက မင်းဖယ်ခွာသွားခဲ့တယ်
ကောင်းကင်မှာ တိမ်မည်းတွေ
ညိုမဲ မိုးသည်းနေခဲ့တယ်
ရင်ထဲက လွမ်းစိတ်အတွက်
သူပြောဖူးတဲ့စကား
အမြဲတမ်းချစ်နေမယ် သတိရနေပါတဲ့လေ

မိုးနေ့လေး တစ်နေ့နဲ့အတူ
ကိုယ့်အနား မင်းရှိမလားလို့
မိုးရေထဲထွက်
အကြောက်အလန့်မဲ့တဲ့စိတ်နဲ့
မိုးရေတွေ ရွှဲစိုနေခဲ့လဲ
ငါ့အနားမှာ မင်းမရှိ
မင်းမသိတဲ့ဖြစ်အင်တွေနဲ့
နှလုံးသားထဲ အလွမ်းမိုးတွေ ရွာဆဲပါပဲ….

ပြည့်စုံ (၂၀-၈-၂၀၀၉၊ ၂း၃၇ pm)

လွမ်းမပြေ

ငါ့ရှေ့က လမ်းကလေး
ဒီအတိုင်းပဲ ထိုင်ငေးနေမိတယ်
မင်းရောက်မလာတာက လွဲလို့
ငါ့စိတ်က အရင်အတိုင်းပဲ မပြောင်းလဲခဲ့ဘူးကွယ်
တိတ်တိတ်လေးပဲ ထိုင်နေတယ်

မေ့လိုက်ပါ ချစ်သူ
ဒီစကားကို အကြိမ်ကြိမ်အခါခါပြောလဲ
မင်းက လက်မခံခဲ့ပြန်ဘူး

ကဲဒါဆိုလဲ ချစ်သူ
ကြိုက်တဲ့လမ်းကို မင်းရွေး
မင်းအဝေးကို သွားကတည်းက
ငါ ထိုင်ငေးနေခဲ့တယ်
မင်းထွက်သွားတဲ့ လမ်းကလေးကိုလေ…..

အချစ်မှာ ရယူခြင်းရှိပါလိမ့်မယ်
ငါ့အတွက်တော့
ဘာမှမလိုဘူး
မင်းရှိနေတယ် ဆိုရုံနဲ့
အရာရာပြီးပြည့်စုံတယ်

ပြန်လှည့်မကြည့်နဲ့ချစ်သူ
မင်းထားခဲ့တဲ့အတိုင်း
ငါနေရဲတယ်
မပြေတဲ့ အလွမ်းတွေနဲ့လေ…

ပြည့်စုံ (၂၅-၇-၂၀၀၉၊ ၁၁း၄၄ pm)

လမ်းလွဲ

အမှားတွေတဲ့လား
အခါးတွေတော့ မဟုတ်လောက်ပါဘူး
အသိဥာဏ်ရှိတဲ့ဦးနှောက်က ငြင်းဆန်လဲ
အပြင်းအထန်တော့ မဟုတ်ပြန်ဘူး

မဖြစ်သင့်ဘူး
ဒီအတွေးတွေကို တွေးမိတဲ့ခန
မေ့မရတဲ့အကြောင်းတွေကိုပဲ ပြန်တွေး
ခပ်ဆွေးဆွေးဖြစ်နေမိတယ်

မေ့လို့မရလို့ပါ ချစ်သူ
ငါ မင်းအတွက် အပြစ်ဆိုတာ မယူချင်ပါဘူး
အချစ်တခုကို စတင်ကတည်းက
ရချင်တာတွေကို မျိုသိပ်ထားပါတယ်
မင်းနဲ့အတူရှိနေခွင့်
မင်းနဲ့လက်ကို တွဲလျှောက်ခွင့်
မင်းရဲ့အနားမှာ ရှိနေခွင့်တွေပေါ့

အပြစ်မမြင်ပါနဲ့ချစ်သူ
တခါတရံမှာ လမ်းလွဲဆိုတာ ရှိတတ်ပါတယ်
ငါ့ကို ခွင့်လွှတ်ပေးပါ
ငါ့ကို ပိုချစ်ပါ
ငါ မင်းအနားမှာပဲ အမြဲနေပေးမှာပါ

စိတ်ချပါ ချစ်သူ
မင်းမပါတဲ့ လမ်း
ပန်းခင်းပါစေ
ငါ မလှမ်းပါဘူး

ငါ့လက်ကို မလွှတ်လိုက်ပါနဲ့ချစ်သူ
မင်းကိုပဲ တမ်းတ
မှန်းဆပီး တွေး
မင်းကိုပဲ ငါအမြဲချစ်နေမှာပါ………

ပြည့်စုံ (၂၁-၇-၂၀၀၉၊ ၂း၄၅ pm)

တောင်းဆု

သတိရမိပါတယ် ဟိုအရင်အချိန်တွေကိုပေါ့
တခါတလေမှာ အိပ်မက်မက်မိတယ်
နံဘေးမှာ အတူတူရှိနေတယ်လို့
အိပ်မက်က လန့်နိုးရင်
ပိုင်ဆိုင်ခွင့်မရှိတဲ့ ဘဝအတွက်
ကိုယ့်ကိုယ်ကို ဝမ်းနည်းမိတယ်

အချစ်က ငါ့အတွက်ဆို
နောင်တ တရားတွေလား ဥပက္ခာတရားတွေလား

မင်းပျော်နေတယ်ဆို ငါလည်းထပ်တူပျော်ရွှင်မိတယ်
စိတ်ညစ်စရာဆို ငါသာအကုန်ယူချင်ပါတယ်
မင်းပျော်ဖို့အတွက်ကို တိတ်တိတ်လေး ဆုတောင်းမိတယ်
နှောင်းတော့မှရတဲ့ နောင်တက
ရင်ခွင်ကိုဟက်တက်ကွဲစေတယ်ဆိုတာ
မင်းကို မသိစေချင်ပါဘူး

လက်တွေ့ကို အိပ်မက်သာဖြစ်စေချင်ပါတယ်
ကိုယ့်ကိုလည်း တခါတလေ ယောင်ရမ်းပြီး သတိရစေချင်မိပါတယ်
မင်းမမေ့သေးဘူးဆိုရင်ပေါ့…….

ပြည့်စုံ