Friday, May 10, 2013

ဆယ်နေကဲ

နေရောင်ဟာ ပူလောင် အက်ကွဲ
ကျီကျီတောက် ..

နေရောင်ဟာ အခိုးအငွေ့တွေကြားထဲ
အပူတွေရှပ် ..

နေရောင်ဟာ ကတ္တရာစေးတွေ ပျော်နေတဲ့ လမ်းပေါ်
မှောက်လျားထိုးပြီး အိပ်..

နွေခေါင်ခေါင်ကြီးပါတဲ့
နေရောင်ဟာ နဖူးက ချွေးတစကို လက်ကိုင်ပ၀ါနဲ့ထသုတ်တယ်..

နေရောင်ဟာ အိုက်စက်လို့
ပြောရင်းနဲ့တောင် ယပ်တောင်ကို တဖျတ်ဖျတ် ခတ်ပြနေတယ်..

ကံဆိုးသူမတွေ စုထားတာတောင်
ရွာပြစရာ မိုးတစ မရှိဘူး..
နေရောင်ကြောင့် ချွေးအဖြစ် အငွေ့ပျံပျောက်သွားတယ်တဲ့..

ဒီလိုနဲ့ပဲ
စကားပုံတွေဟာ လမ်းတွေပေါ် ကဆုန်ပေါက် ပြေးလွှား
နေရောင်ကို ရှောင်ရင်း အော်ဟစ် ပြေးကစားနေရတယ် ..

ပြည့်စုံ (၅း၀၃ pm၊ ၅-၆-၂၀၁၃)

Monday, May 6, 2013

မသိခြင်းများစွာ


ငယ်ရွယ်စဉ် ကလေးဘဝကတော့ မသိဘူး ဟု ပြောသည့်စကားများသည် အလွန်ရိုးသားပြီး ချစ်စရာကောင်းသော အမူအကျင့်များ ဖြစ်ခဲ့သည်။ ကြီးရင့်လာသော အခု အသက်အရွယ်တွင်တော့ မသိဘူး ဟု ပြောလိုက်သည့် စကားတစ်ခွန်းသည် ကိုယ့်ရဲ့လက်ရှိဖြစ်တည်နေမှုတွေကို မသုံးသပ် မဆင်ခြင်တော့ဘဲ စိတ်ထဲရှိသလောက် အထင်အမြင်အသေးခံလိုက်ရခြင်း ဖြစ်သည်..

မသိဘူး ဆိုသည့် စကားတခွန်းနှင့် မဆုံစည်းချင်ခဲ့သောကြောင့် လက်တွေ့ဘဝနှင့် မအပ်စပ်သော တချို့အဖြစ်အပျက်တွေကို ဇွတ်အတင်း နားလည်ချင်ယောင်ဆောင်ရတော့သည်။ သုိ့အားဖြင့် ကျမတို့တွေသည် ဟန်ဆောင် ကောင်းသော သူများ ဖြစ်လာကြလေသည်..

အဲ့ဒီခံစားချက်ဟာ ဘာနှင့်တူသလဲဆိုရင်တော့ လက်သီးဆုပ်ထဲမှာ ရှိမနေသည့် အရာကို အခြားသူများ ယုံကြည်အောင် ကြွားဝါပြရသော ကလေးတယောက်နှင့်သာ အလားသဏ္ဍာန်တူသည်..

ရုပ်ရှင်ကားကောင်းကောင်း တကား ကြည့်ခဲ့ရသော ကျမအတွက် ဝမ်းသာအားရ တခြားသူကို မျှဝေလိုက်တဲ့အခါမှာ သူပြန်ပြောလိုက်သော အော်စကာဆုဝင် ဇာတ်ကားများစွာကို မသိခဲ့သဖြင့် ကိုယ့်ခံစားချက်တွေ ဖီလင်အောက်ခဲ့ရသည့် အကြိမ်ရေ များစွာ ကြုံခဲ့ရသည်.. ဝမ်းနည်းဖွယ်ရာပင်..

အခု အသက်အရွယ်အထိ ကျမ ဖတ်ခဲ့ဖူးသော စာအုပ်များစွာထဲမှာမှ သူတို့ပြောသော စာအုပ်များ၏ ခေါင်းစဉ်ကို မဖတ်မိသော ကျမအဖို့ အရာရာဟာ ခေတ်နောက်ကျကျန်ခဲ့ပြီ..

ဘယ်လိုခံစားချက်မျိုးလဲလို့ မေးမှာပင်..

ပြောပြဖို့ ခံစားချက် မရှိတော့သော သူအဖို့ သူတို့ဖတ်ဖူးသော သူတို့ ကြည့်ဖူးသော အရာများစွာကို အရူးသဖွယ် လိုက်လံကြည့်ရှုခဲ့သော ကျမအတွက် အရာရာဟာ လိုက်မမှီနိုင်တော့..

အယ် ဒါလေးတောင် မလုပ်တတ်ဘူးလား.. ဟင်းဟင်း .. လှောင်ရီသံအောက်တွင် ကော်ဖီဖျော်စက်ထဲက ကော်ဖီကို ကော်ဖီခွက်ငယ်ထဲ ဘယ်လိုထည့်ရမလဲ မသိ ခေါင်းရှုပ်နေသော ကျမအတွက် အားကိုးဖွယ်ရာပင်.. သောက်ခဲ့သော ကော်ဖီရဲ့ အရသာ ခါးခါးအောက်မှာ ကျမ ခံစားချက်တွေလဲ ခါးသွားခဲ့ဖူးသည်..

မှန်တံခါးတချပ်ကို ဆွဲရမလား တွန်းရမလား မကြာခဏ ဝေခွဲ မရတတ်သော ကျမရဲ့ ရင်ခုန်သံတွင် မရိုးသားမှု အများအပြား ပါဝင်ကြောင်း ဝန်ခံပါသည်.. ဘဝရဲ့ လိုအပ်ချက်များစွာထဲမှာ မှန်တံခါး တချပ်ဟာ ဆွဲရမလား တွန်းရမလား မသိခြင်းသည်လည်း အကြီးမားဆုံး လိုအပ်မှုတခုဖြစ်ကြောင်း တချို့သူတွေကြောင့် သိခဲ့ရတော့သည်..

တသမတ်တည်း စီးဆင်းနေခြင်းမရှိသော ဘဝရဲ့ အခွင့်အရေးတချို့ တို့သည်လည်း အဆိုပါ တံခါးချပ်တွေလိုပင် တွန်းဖွင့်ဝင်ရမလား ဆွဲဖွင့်ယူရမလား ဝေဖန်ပိုင်းခြားနေရတာနှင့်တင် ..

…..

ပင်ပန်းလှသည်…

ပြည့်စုံ

၎း၁၄ pm၊ ၅-၆-၂၀၁၃ (တနင်္လာနေ့)